ترى حظ الزمان اللـي معـي قفـا ورد البـاب
دخيلك ماوقـف لحظـه معـي حتـى يتناسانـي
وانا ماقول غير النـاس لكنـي مـن الاغـراب
ودور شف وش اللـي غيـر الدنيـا وخلانـي؟
انا ماخنت حبي لا .. ولا فكـرت يـوم ارتـاب
وانـا ماقـول خنتيني!!ولكـن الزمـن جـانـي
وقف ضدي..وقف ضدك.. وضعنا والهوى غلاب
وجـف الـورد بيدينـي وكسرنـي وسـوانـي
مدامك صنتي العشره معـي كـذاب انـا كـذاب
اذا قلت:انـك تخونيـن حبـي خلـف جدرانـي
وانا ادري انك نسيتيني وفا للحب ستـر احبـاب
وانا بدعي لك التوفيق من قلبـي علـى لسانـي
حبيبي روح والله يسترك حاضر وستـر غيـاب
عسـى الله مايعيشـك الزمـان اللـي تبـلانـي
انا هين تعودت الجـروح اللـي بـدون اسبـاب
تعـودت الطريـق اللـي يوصلنـي لجثمـانـي
ولكن كل خوفي من زمـان ً فيـه نـاب ونـاب
اذا تسلـم مـن الاول اكيـد يضـرك الثـانـي
حبيبي احرص على نفسك وخل الداب للحطـاب
واذا فكـرت تنسـانـي امـانـه لا تناسـانـي
واذا كنت اتمناني ترانـي لـك وفـا واعجـاب
قبل لا تنطق اسمـي.. جيـت كلـي لا تمنانـي
وابشتاقك على كثر الغـلا يـوم الغـلا ماجـاب
وابتـذكـر سواليـفـك وعـطـرً ماتعـدانـي
وصوتك يوم قابلتك خلط ترحـاب فـي ترحـاب
وعينـك كنهـا قبـراً دفنـي فـيـه حرمـانـي
احبك ليه مااحبـك؟ مـدام ان القلـوب قـراب
اشوفك ليه ماشوفـك؟ مدامـك عيـن ترعانـي
اضمك ليـه ماضمـك؟ وكلـك منظـرً خـلاب
انا وشلون اصد وصوتـك ان صديـت نادانـي
حشا لله مايحجبـك عنـي لـو لبسـت حجـاب
اشوفـك داخلـي تمشـي وكنـك دم شريـانـي
ولا يمديني ابعد عنـك دام ان خاطـري ماطـاب
وابيك انت تذكـر لهفتـي لـو طـاب وامدانـي
وابي منك تحفظني مثل ورده في غـلاف كتـاب
تفتت..ماتفـتـت.. كــل ماتفـتـح بتلقـانـي
وانا ماتوب عن حبك ولوصـار العظـام تـراب
امـوت ومايمـوت الحـب!! ياحـبً تحدانـي
وقولي صار مجنون وكلامه مالـه اي اعـراب
انا راضـي جنـون الحـب يامرنـي وينهانـي
انا مجنون ؟؟ لا تحسب على عقل الجنون حساب
انا مرفوع عنـي كـل شـي الا انـت يادانـي
اكيد اضماك في قلبي مدام القلـب بـي مـاذاب
واذا حسيت فـي قلبـك اكيـد انـك بتضمانـي
وانا مدري وش اللي صار؟ بس الظن بك ماخاب
احس انك بترجع لـي اذا حسيـت وش جانـي
كذا سوى الزمن خلا حيـاة العالميـن احـزاب
كذا سوى الزمـن فيني..كـذا خـلاك تنسانـي
حبيبي لا تنام اصحى..انـا بطلـع وارد البـاب
ولكن هااااك قلبي..مارضـى يتـرك وحدااانـي
موضوع: حبيبي لا تنام اصحى..انـا بطلـع وارد البـاب 
السبت سبتمبر 18, 2010 8:51 am